Roger Marie Bricoux | |
---|---|
![]() | |
Bizitza | |
Jaiotza | Cosne-Cours-sur-Loire, 1891ko ekainaren 1a |
Herrialdea | ![]() |
Heriotza | Ipar Ozeano Atlantikoa, 1912ko apirilaren 15a (20 urte) |
Hezkuntza | |
Heziketa | Goi Mailako Musika eta Dantza-Kontserbatorio Nazionala |
Hizkuntzak | frantsesa |
Jarduerak | |
Jarduerak | biolontxelista |
Kidetza | Titaniceko orkestra |
Musika instrumentua | txeloa |
![]() ![]() ![]() |
Roger Marie Bricoux (1891ko ekainaren 1a - 1912ko apirilaren 15a) frantziar biolontxelo jotzailea izan zen RMS Titanicen bere hasierako bidaian[1]. Musikari baten semea zen, eta familia Monakora mugitu zen haurra zenean[2]. Italiako zenbait erakunde katolikotan hezia izan zen[3]. Bere ikasketetan zehar, bere lehen orkestrara batu zen, eta lehen saria irabazi zuen Boloniako kontserbatorioan, bere trebetasun musikalagatik[4]. Pariseko kontserbatorioan ikasi ondoren, 1910ean Ingalaterrara joan zen Leedseko Grand Central Hotelean orkestrarekin bat egiteko[5]. 1911 amaieran, Lillera (Frantzia) joan zen bizitzera, 5 Place du Lion d'Or-en, eta hiriko hainbat tokitan jo zuen[6].
Titanicean ontziratu aurretik aurretik, Bricouxek eta Theodore Ronald Brailey pianistak elkarrekin zerbitzatu zuten Cunard Linesen RMS Carpathia lurrunean[7], White Star Linesekin elkartu aurretik[6]. 1912ko apirilaren 10ean Titanic ontzian sartu zen Southamptonen, Erresuma Batuan. Bere sarrera zenbakia 250654 zen, Wallace Hartleyko orkestrako kide guztien sarrera-zenbaki bera. Bere kamarotea bigarren mailakoa zen, eta Titanic itsasontzian zegoen frantziar musikari bakarra zen[8]. Bricouxek 20 urte zituen hil zenean. Bere gorpua ez zen inoiz berreskuratu[6].
1913an, itxuraz desagertu ondoren, Frantziako armadak "desertore" izendatu zuen. 2000. urtera arte ez zen ofizialki Frantziarentzat hil, batez ere Association Française du Titanic elkartearen ahaleginengatik. 2000ko azaroaren 2an, elkarte berak Bricouxen plaka oroigarri bat eraiki zuen Cosne-Cours-sur-Loiren[9].
© MMXXIII Rich X Search. We shall prevail. All rights reserved. Rich X Search